شاعری
مجھے کچھ دیر سونے دو ………… ناز بٹ
"مجھے کچھ دیر سونے دو ”
"سنو جاناں !
اور اپنی آنکھ کی پُتلی میں رقصاں تتلیوں کے لمس کو محسوس کرنا ھے ۔۔۔۔۔۔۔!
سنو جاناں !
میں آنکھیں بند کرتی ھوں
تو ان مخمور لمحوں میں
تمہارے ریشمی احساس کی اک نرم سی خوشبو
نواح ِجسم و جاں میں پھیل جاتی ھے
فضا مہمیز ھوتی ھے ۔۔۔۔۔۔۔۔۔۔۔۔۔۔۔۔۔
اُسی ساعت ھوائے نیم شب نرمل سُروں میں گُنگناتی ھے
تمہاری یاد آتی ھے ۔۔۔۔۔۔۔۔۔!
تمہاری یاد آتی ھے تو میری آنکھ کی پتلی میں رقصاں تتلیاں مجھ کو ستاتی ہیں
بدن میں پھیل جاتی ہیں۔۔۔۔۔۔۔۔۔۔۔۔
سنو جاناں۔۔۔۔۔۔۔۔۔۔۔۔۔۔۔۔۔۔!!
مجھے کچھ دیر سونے دو
وصال آثار لمحوں کا پتا دیتی گلابی تتلیوں کے لمس کو محسوس کرنے دو ۔۔۔۔۔۔۔۔
مجھے کچھ دیر سونا ھے !
مجھے کچھ دیر سونے دو ! ”
( ناز بٹ )
